Weej, Prins Raoul 1,

Burggraaf , van d’n Horsterwaeg in ut Wortelepinneriék,

Markies: , op de kartbaan in Swalme,

Baron: , van bouwmért wies badkamer,

Keuning: , te riék op ziene Prima bella,

Hertog: , euver printpepeer en inkpetroëene,

Graaf: , met idder vastelaovesnummer wat de revue passeert,

Jonkhiér: , iddere minuut aan d’n tap in de Tapperie,

Schildknaap: , in onderhoud van ziene Ducati,

Officier: , in alles wat in en um de caravan gebeurt,

Commandeur: Euver zien adjudante Rob en Sjoerd ,

Prins: Van Vastelaovesgezelschap ’t Tremke 2012!

 

Gaeve heejbeej te kinne, aan idderein dae ut maar huure wilt,

Det weej,

1. D’n Tram in eine schoëene staot hebbe euvergenaome van Prins Paul 2 en zien adjudante Patrick en Kaspar  ,

2. d’n Tram maar leefs 357 daag veur zulle gaon, en van iddere minuut gaon geneete,

3. ut begrip groëet Venlo weer breid oét zulle gaon draage,

4. van d’n tap wies aan de bühne veurop zulle laupe en ôg de waeg gaon wiéze,

5. gen wortel zulle scheete maar de vûtjes ens flink van de vloer lôs gaon laote kômme,

6. ut spoor euver mooder Maas van flink wat niëje stations zulle gaon veurzeen,

7. ut vastelaovesgeveul in idder straötje van Venlo passend gaon maake,

8. ôs Bliëricks Blond veur 4 waeke inruile veur Venloos Ald,

9. saame met álle Venloose vastelaovesvierders al springend de polonaise in te gaon zette, waor weej auk zien,

10. weej ôg neet langer op gaon halde, maar ôg veur zulle gaon in die polonaise en d’r ein waanzinnig fieës van maake,

11. weej noow gaon besloéte met ôzze liéfspreuk;

Met ôs dreej Bliërickse jonge veurôp,

Zette weej saame met ôg gans Venlo op de kop.

Dus sloët ôg noow allemaol beej ôs aan,

Dan wuuerd deze vastelaovend absoluut WAAN!!!

 

Vastelaovend saame!

 

 

Waas geteikend, vriédaag 20 jannewarie 2012

 

Prins Raoul 1                                                       Vors Trammalancius