Adjudanten 2012

Gaer wille weej ôs aan ôg veurstelle:

Miene naam is Sjoerd v/d Nieuwenhof

Ik bin gebaore in Blierick, tot mien 6de heb ik op 't Schepenenplein te blerick gewoeënd. Ik heb twië breurs, Martijn en Rob.

Tot groep 4 heb ik op de Titus Brandsmaschoel gezaete, as kind meigelaupe met de optoch beej de blieje oét de wieën.

Rond mien 8ste levesjaor zien we met 't gezin naor de Klingerberg (aan de wassum) verhoesd, daor heb ik op de Harlekijn gezaete.

Nao de basisschoel bin ik naor 't Blariacum gegaon en daor heb ik mien MAVO diploma gehaold. In Remund heb ik op de Gilde opleiding de MBO opleiding Technische Informatica gevolg en daornao in Heerlen op Hoeëgeschool Zuyd 't HBO diploma Netwerk Infrastructure Design behaold.

Noow bin ik werkzaam in Waalre beej Acknowledge as Project Engineer, waorbeej ik beej klante in de omgaeving van Eindhoven project werkzaamheden oétvoer die betrekking hebben op de ICT omgaeving.

Sind 2002 heb ik un relatie met Rachelle Gerards, in 2006 zien weej gaon samenwoeëne in hertje stad (gasthuisstraat baove van Heyster schoenezaak), in 2008 zien weej verhoesd naor de Burgemeester Bloemartstraat 13, waor weej gaer woeëne.

In maart verwachte weej ôs ierste kiendje saame.

Vanaaf 1993 bin ik sportachtig en gezellig aanwezig beej HVB (handbal vereiniging Blierick). Ik bin daor keeper van 't ierste (en enige) senioren team.

Miene naam is Rob Weijers

Bin 31 jaor en bin gebaore en getaoge in Blierick,

Mien lieëgere schoel waas de Klingerbergschoel in Blierick, naodet ik mich netjes heb gedrage op de bassisschoel moch ik verder daorstruime naor de hoeëgere schoel 't St. Maartenscollege in Tegelen, waor ik mien MAVO diploma heb behaold. Mien MBO diploma heb ik in Venlo behaold.

Noow bin ik al 10 jaor werkzaam beej de brandweer Venlo in d'n oétruk.

Op 25 September in 2009 bin ik met mien vrouw Erna getrouwd, en saame hebbe weej op 20 Augustus 2011 un schat van ein dochter gekregen, wat de naam van ôs haet gekrege, genaamd Eefje.

Weej woeëne saame in de klingerberg in Blierick

Auk bin ik lid van de Hitzacker Boeben in Blierick, en in miene vreeje tied doon ik gaer piele met gadgets, volleyballe, squashe en auk staon ik gaer in de keuke lekker aete te make.