Vors Trammalancius

Dames en Hière,

Allerièrs wil ik óg van herte welkom heite op ózze nieje site. Weej woele neet achter bliève op de moderne meneer van communicere, en zulle ós vanaaf noow prissenteere op 't internet met ein schitterende site.

Op ós site zulle weej óg gans op de huuëgte halde van al ’t  nièts van V.G. ‘t Tremke. Op ós site zult geej ouk alle informasie kinne vinde euver ós nieje dreejspan. Dit nieje dreejspan kump oèt op ós zitting. Ouk zeet geej op ós site, alle vaerdere activiteite die weej, as V.G. ‘t Tremke organisere, bezeuke of steune. Gruuets bin ik óg te meuge zegge, det beej ós Tremke de vrindschap, de joeks en zeker 't plezeer in de vastelaovend van groeëte waerd is. Maar daonaeve wuurt ouk 't belang van de vereiniging door 't jaor haer neet vergaete.

Ik dink det de onderlinge vrindschap daorum de beste basis is veur ein vereiniging wie V.G. ‘t Tremke. Natuurlijk kómme alle comissies aafzonderlijk van mekaar aan bod, zoeëdet geej ein klein bietje ein idee krieg, waat d'r zoeëal binne ós vereiniging gebeurt. As geej klaor ziet met alles op de site gans nao te laeze, wil ik óg alvas van herte nuuëje op ózze ièrsvolgende zittingsaovend. Op dees zitting kint geej kómme genete van tal van artieste, die d'r idder jaor  opniej weer ein groeët fieës van make.

Heej kint geej wiejerop op ós site mièr euver truuk vinde. Heb geej dezen aovend toch gemis? Kom dan beej ós op bezeuk met de resepsie van ózze nieje hoeègheid, of bezeuk ein van ós merte door 't jaor haer. Gaer haop ik óg binnekort te zeen op ein van ós kommende activiteite! Ik wins óg alvas vuuël plezeer toe beej ut bekièke van ós site,

Vors Trammalancius