Tremke

Ontstaon van Vastelaovend Gezelschap 't Tremke

1 Mei 1978 krege een paar persone ‘t idee um iets meer aan de Vastelaovend te gaon doon in óz buurt. Ut ièrste jaor woort, in samenwerking met de toenmalige buurtvereiniging op de Straelsewaeg, eine vastelaovesmiddag georganiseerd veur de jeug. Ein jaor later woort, same met inkele andere vereiniginge die auk in café 't Anker zaote eine balaovond gehalde. Dit woort ein groeët succes.

Nao 2 jaor waas V.G. ‘t Tremke ein volwaardige vereiniging gewaore. De naam Tremke is aafkomstig van de alde stoomtram die van Venlo nao Nijmegen liep via de Straelsewaeg.
Eine Raod van Elf kwam tot stand, en in ut seizoen 1980-1981 woort ut ièrste prinsentrio gepresenteerd. Deze Raod van Elf waas iets unieks, want deze Raod waas eine Raod van dames! Zoveer bekend waas dit in hiël Limburg nurges te vinde. Deze raod heèt bestaon tot het 11 jarig bestaon in 1989. Toen waas er te weinig belangstelling en mos beslote waere de damesraod te vervange door eine hiereraod.

V.G. 't Tremke is ontstaon in Café 't Anker aan de Straelsewaeg. Heej haet V.G. 't Tremke 21 jaor geresideerd totdat Café 't Anker verkoch woort. Noow is dit het justitie kantoer.
V.G. 't Tremke resideert noow in ein andere prachtige zaal en waal de Venlona Zaal aan de Hoeëgewaeg in Venlo.